平日Walter请的朋友，多是对饮食很有研究的，今次请来的朋友，却是高大有型，甚有明星相的日本型男。未见其人，Walter的介绍已很吸引：「身高六呎，做导演，女仔见到都会心动。」隆重介绍，日本导演Rage！

少年时扮型要学电子结他，曾一度讨厌小提琴而放弃学习，后期发觉拉小提琴可让他平静下来，于是重拾起小提琴再拉。

　　Walter：

　　其实我同Rage唔系经常见面朋友，但系每次见面都好开心，有朋友经常见面反而未必咁enjoy。记得我第一次见面系一个privatedinner，地点系一间好有中国色彩的娥姐私房菜。

　　Rage：

　　我两年多前来香港，当时人生路不熟，香港朋友不多，Walter是我很早期识的香港朋友。

　　Walter：

　　如果我系读者，尤其是女性，我好有兴趣知道你几多个女朋友喎！

　　Rage：

　　哈哈！我唔系沟女王，其实我甚少出去玩，周末周日多数留在家睇电影睇电视，我唔钟意去Clubbing，面对住一大群陌生人，我会唔自在。

　　Walter：

　　咁你究竟有几多女朋友呢？

　　Rage：

　　Actually，我未试过主动追女仔，好怕被人拒绝，那感觉很难受。

　　Walter：

　　如果我有你咁外形，我实会好主动追女。你知唔知，我的女性朋友第一次见到你，都觉得你好似superstar，平时佢好少主动约我食饭，次见过你后，竟然约我食饭，但佢话要叫埋你一齐食，你真系好有吸引力。

　　Rage：

　　nonono。只系上次位女士都系在London读书，大家话题都接近，不过如果Walter唔度，我会唔知点算。

　　Walter：

　　你搵女朋友有咩准则？

　　Rage：

　　有人会要求女朋友高学历，其实呢方面唔太重要，我近期明白到一样，全世界有咁多人，要找到一个能完全明白我，无论我去到边都要在我身边，原来系好困难，但亦系好miracle的事。

　　Walter：

　　咁你觉得日本女仔同香港女仔有咩唔同？可唔可以用一种食物形容？

　　Rage：

　　我接触的日本女仔比较Young，日本女仔太部分都好识扮靓，外表好温柔，但内其实是不好惹，就好似鸡泡鱼一样，表面温驯，但如果处理不善就会中毒。至于香港女仔就相反，外表刚强难以接近，其实内好sweet，就好似食海胆咁，外表长满刺，唔系人人都钟意，但食过后会觉得好rich。我而家个女朋友都系香港人，我相处得好愉快呀。

(责任编辑：广文)