圣诞节，除系消费催化剂外，亦系明正言顺可以扮靓节日。女孩子通常短裙仔加对长boots，然后化个闪到晕靓妆，男孩子呢？可能变化没有这么多，但唔需要担心，今期除依然有睇得煮得又穿得Walter之外，更请来经常公仔箱见到佢做司仪愈来愈熟练香港小姐朱凯婷（Heidi）讲扮靓心得，想圣诞节抢镜，立即听Walter同Heidi点讲先！

　　圣诞装扮回顾一番

　　Walter：以前圣诞节我好多时都西装。我记得21、22岁时候会去fleamarket买西装，我都试过50年代啡色窄身西装。但时通常两三个人玩，一大班朋友去玩就冇乜喇。

　　Heidi：我记忆之中，都系20岁出头，屋企人开始畀多自由度，又有少少经济能力，所以圣诞可以出街玩。时西环开一间餐厅，我同朋友刻意打扮去玩，譬如我会红到唔红毛毛冷衫，不过都系casualwear为主。如果讲男仔圣诞扮靓，Walter系最好example，好坦白，我都好欣赏佢。唔好睇佢今日全身黑色，其实都系有衬过，个眼镜好似好简单，但都有details位。Walter都算贪靓，唔「咧啡」，唔麻甩，畀人有artistic感觉。

　　Walter：（边听边点头）如果初相识的话，我会专登得普通一，太夸张突出可能会畀人有高高在上的感觉。曾几何时，我个衣柜有30几套西装，不过都系因为职业需要。

　　Heidi：尤其是当人对你有expectation时候就唔敢怠慢。譬如我咁，接个show系知道个人真系欣赏你先搵你，我都会拣番件靓衫去做show，即系互相尊重。反过来，如果知道个人系求其搵人先搵你，你自然都冇咁重视。

讲化妆技巧，当然要睇Heidi私密化妆袋。有唇彩、胭脂、眼影、睫毛夹、睫毛液……一众女生想圣诞做个partyqueen，记得向Heidi偷师

　　潮人扮靓tips大公开

　　Heidi：要讲靓，系好睇一个人可塑性。个样好身材好，得简单都好睇。如果唔系话，就唔好搞咁多喇！

　　Walter：X’masparty我见过最吓人化妆，一定非「多粉」莫属，即系好似童男童女样，点搞都唔靓。所以化妆个base一定要做得好，上妆前可以试按摩面部。我以前见过一个model，面部按摩按足一个钟，之后再上粉，即刻容光焕发，好似两个人咁。Foundation做得好，再搽其他都会事半功倍。

　　Heidi：皮肤质地的确好重要，所以护肤、卸妆工夫一定要做足。同埋我自己好注重保湿呢个环节，无论你用护肤品有几贵，都需要水分帮佢消化。除此之外，化妆一定要有focus。当focus放眼部，嘴部化妆就要放轻一，其他轻轻勾画轮廓就可以，千祈唔好乜都摆晒落块面度，如果唔系睇落去会好乱。另外，搽mascara都系非常重要，无论眼大眼细都好，搽mascara都可以令人望落去精神好多，所以拣一只适合自己mascara非常重要。由于mascara搽得厚，卸妆部骤就需要好谨慎，敷mask、做facial更加唔可以懒。清洁、保湿、美白mask我会轮流敷，化妆前就敷5分钟水分mask，上粉自然会好睇。

大家齐齐举起大脚板，单凭呢个动作，可以推断佢做瑜伽应该冇咩难度

　　Walter与Heidi的结缘

　　2003年一次斯里兰卡旅游特辑，Walter与Heidi终于遇上了。当时，Heidi对Walter的最初感觉是：「几可爱」、「几易话为」、「个人冇乜所谓」、「容易倾偈」。但有一次见到Walter因为有人浪费食物而突然发炆憎，先发觉原来Walter平时成日笑，都唔知系咪真系冇所谓，唔声唔声，最得人惊。

蛋白椰丝糖

　　蛋白椰丝糖

　　材料

　　蛋白2只

　　蛋黄1只

　　调味

　　糖粉CasterSugar55克

　　鲜椰丝120克

　　（以手干水分）

　　做法：

　　1.焗炉预热至155℃，把蛋黄与糖粉拌匀成忌廉状，加入已干水分的鲜椰丝拌匀。

　　2.蛋白放进洗净无油的盛器内，以打蛋器打3~4分钟至蛋白成白色忌廉状。

　　3.把发打好的蛋白与椰丝蛋黄忌廉状汁，轻轻拌匀。

　　4.烤盆涂油抹匀，以小茶匙把步骤3材料倒进，逐茶匙放于盆上（约可分成18份）。把烤盆放进焗炉内，焗上15分钟，再把温度转至100℃，多焗30分钟至金黄即可。

(责任编辑：广文)